තක්සේරැ දෙපාර්තමේන්තුව

මුල් පිටුව

අප ගැන

‍සේවාවන්

දැක්ම

සමාජ ආර්ථික සංවර්ධනය වර්ධනය කිරීමේ අටියෙන් වතු සහ දේපළ තක්‌සේරු කිරීම හා කළමනාකරණය කිරීමේදී ඉතා උසස් තත්ත්වයේ ගෝලීය ප්‍රමිති හරහා වෘත්තීය පරිපූර්ණත්වය පවත්වා ගැනීම.

මෙහෙවර

ශ්‍රී ලංකා ආණ්ඩුවට සවිස්තරාත්මක වෘත්තීමය තක්‌සේරුකරණයක් සහ දේපළ කළමනාකරණ සේවයක් ලබාදීම සහ කාර්යක්ෂම සහ ඵලදායී කළමනාකරණ ව්‍යුහයක් හරහා තරඟකාරීවීම සහ වියදම් පිළිබඳ විමසිලිමත්වීම.

සංවිධානාත්මක ව්‍යුහය

අප ගැන

1815 වර්ෂයේ බ්‍රිතාන්‍ය පාලනය ස්ථාපිත කිරීමේදී රටෙහි ඉඩම් දැරීම, ඉඩම් භාවිතය හා ඉඩම් හිමිකම් රටාවේ වෙනස්කම් ඇතිවිය. රජයට ලබාදෙන ලද සේවාවන් වෙනුවෙන් ඉඩම් වලින් ගෙවීම වෙනුවට මුදලින් ගෙවීම ආදේශ කරන ලදී. කල්යත්ම පහත සදහන් දෑ එනම් -

කිරීටයේ (රජයේ) ඉඩම් විකිනීම හා බදු දීම
ඉඩම් ලියාපදිංචි කිරීම
ඔප්පු සහ සන්නස් ලියාපදිංචි කිරීම
ඉඩම් නැවත ලබාගැනීම
මායිම් නිර්නය කිරීම
ඉඩම්, බෙදා වෙන්කිරීම
උඩරට ඉඩම් පැවරීම
බැඳීම් සහ නිරවුල් කිරීම
ඉඩම් මැනීම සහ
ඉඩම් අත්පත් කරගැනීම

විධිමත් කිරීම සඳහා කල්යත්ම ව්‍යවස්ථා සම්පාදනය කිරීම ද කරන ලදී.

ආණ්ඩුවේ දේපළ වාර්ෂිකව තක්‌සේරු කිරීම, නාගරික ප්‍රදේශවල නිශ්චල දේපල තක්‌සේරු කිරීම සහ වෙනත් ඉඩම් තක්‌සේරු කිරීම කරගෙන යාම සඳහා 1921 ජූනි මස 01 වන දින පළාත් පාලන මණ්ඩලයක් පිහිටුවන ලදී.

පළාත් පාලන මණ්ඩලය යටතේ ආණ්ඩුවේ තක්‌සේරුකාර තනතුර සහ ඔහුගේ කාර්ය මණ්ඩලය සඳහා විධිවිධාන සකස් කල අතර වර්ෂ 1923 දී ආණ්ඩුවේ තක්‌සේරුකාර තනතුර‍ැ ඇතිකරන ලදී

ආණ්ඩුවේ තක්‌සේරුකර‍ැ කිරීටයේ (රජයේ) දේපල තක්‌සේරු කිරීම, බූදල් බදු තක්‌සේරු, ඉඩම් අත්පත් කරගැනීම් සහ ප්‍රාදේශීය බදු සඳහා පළාත් පාලන ආයතන අගය කොට තක්‌සේරු කිරීම් භාරව සිටියේය.

ආණ්ඩුවේ තක්‌සේරුකර‍ැ පත්කිරීමත් සමග තක්‌සේරු කිරීමේ ආකාරය සහ ප්‍රමාණය සිවිල් සේවා පරිපාලන තක්‌සේරු ක්‍රමයෙන්, වෘත්තීය තක්‌සේරු ක්‍රමයකට වෙනස්විය. වැඩ ප්‍රමාණය අධික වීමත් සමඟ 1926 වර්ෂයේදී ආණ්ඩුවේ සහකාර තක්‌සේරුකර‍ැවෙකු ද පත්කරන ලදී.

දෙපාර්තමේන්තුව මහාභාණ්ඩාගාරය සමඟ ඒකාබද්ධ කිරීමද, මහාභාණ්ඩාගාරයේ තක්‌සේරු අංශය ඇති කිරීමද Government Assessor යන තනතුර‍ැ නාමය Government Valuer යන තනතුර‍ැ නාමය ලෙස වෙනස් කිරීම ද 1933 වර්ෂයේ ඔක්තෝබර් මස 01 වන දින සිදුකරන ලදී.

වර්ෂ 1932 මාර්තු මාසයේදී ජේ. ‍ජී. මෝලි F.S.I. මහතා මහා භාණ්ඩාගාරයේ තක්‌සේරුකාරධූරය භාර ආණ්ඩුවේ තක්‌සේරුකර‍ැ ලෙස පත්කරන ලද අතර වර්ෂ 1933 ඔක්තෝබර් 18 වන දින සිට ඔහුගේ අනුගාමිකයා ලෙස ඒ. ජී. බී. වයිටේකර් මහතා පවත්වන ලදී.

සේවයකන් අඩුකිරීමේ පියවරක් ලෙස 1939 ඔක්තෝබර් මාසයේදී ඉහතකී ඒකක 2 ක් එකතු කරන ලද අතර එක් නිළධාරියකු යටතේ ක්‍රියාත්මක කිරීමට සලස්වන ලදී. එහි ප්‍රතිඵලයක් ලෙස තම දෙපාර්තමේන්තුව භාර නිළධාරියා ලෙස කපිතාන් ඊ. ජී. ඊස්ට්මන් මහතා ප්‍රධාන තක්‌සේරුකර‍ැ ලෙස පත්කරන ලදී.

වර්ෂ 1939 වන විට ආණ්ඩු වෙනුවෙන් තක්‌සේරු කටයුතු කරන ලද සංවිධාන දෙකක් තිබුණි. එනම් මහා භාණ්ඩාගාරයේ තක්‌සේරු අංශය සහ පළාත් පාලන තක්‌සේරු දෙපාර්තමේන්තුවයි.

දෙපාර්තමේන්තුවේ වැඩ කටයුතු ''පොදු අංශ'' සහ ''තක්‌සේරු (වරිපනම් අංශ්‍ය)'' යනුවෙන් කොටස් 2 කට බෙදන ලද අතර එකී අංශ දෙක සහකාර තක්‌සේරුවරයෙකු යටතේ ක්‍රියාත්මක කරන ලදී.

1946 වර්ෂයේ ජූනි 30 වන දින කපිතාන් ඊ.ජී. ඊස්ට්මන් මහතා ප්‍රධාන තක්‌සේරු ධූරය හිස්කල අතර සී. ස්ටුවර්ඩ් ඕර් මහතා ප්‍රධාන තක්‌සේරුකර‍ැ ලෙස පත්කරන ලදී.

ස්ටුවඩ් මහතා ධූරය හිස්කිරීමෙන් පසු පී. ච්. වික්‍රමසිංහ මහතා එකී ධූරයට 1948 පෙබරවාරි මස 01 වන දින පත්කරන ලදී. මේ ධූරය දැර‍‍‍‍ෑ ප්‍රථම ශ්‍රී ලාංකිකයා වික්‍රමසිංහ මහතා වූ අතර තක්‌සේරු ක්ෂේත්‍රය වෘත්තිමය වශයෙන් පිළිගැනීමක් ලෙස තක්‌සේරු ඩිප්ලෝමා පාඨමාලාවක් ලංකා කාර්මික විද්‍යාලයේ (Ceylon Technical College) ආරම්භ කරන ලද්දේ ඔහුගේ ධූර කාලයේදී ය.

මහාචාර්ය කැල්ඩෝව් (Caldow) ගේ උපදෙස් මත ''ධන බද්ද'' දේශීය ආදායම් දෙපාර්තමේන්තුව විසින් හඳුන්වාදීමෙන් ද ඛනිජ තෙල් සංස්ථා පනත යටතේ පෙට්‍රල් පිරවුම්හල් අත්පත් කරගැනීමෙන් ද පසු දෙපාර්තමේන්තුවේ කාරය භාරය අධිකවූ අතර වර්ෂ 1948 දී 83 ක්වූ කාර්ය මණ්ඩලය 1967 වර්ෂයේ දී 222 දක්වා සංඛ්‍යාවෙන් වැඩිවීම මඟින් මෙසේ අධිකවූ වැඩ කොටස සාර්ථකව කිරීමට දෙපාර්තමේන්තුවට හැකිවිය.

වර්ෂ 1967 දී ඩී. පී. පී. අබේගුණවර්ධන මහතා ප්‍රධාන තක්‌සේරුකාර ධූරයට පත්වූ අතර දෙපාර්තමේන්තුවේ ප්‍රගති පාලන පද්ධතිය (Progress Control System) පළමුවෙන්ම හඳුන්වාදෙන ලද්දේ ඔහු විසිනි. තක්‌සේරු ඩිප්ලෝමා පාඨමාලාව ලංකා කාර්මික විද්‍යාලයේ සිංහල මාධ්‍යයෙන් ආරම්භ කරන ලද්දේ ඔහුගේ ධූර කාලයේදීය.

1970 මහ මැතිවරණයෙන් පසු, ඉඩම් දෙපාර්තමේන්තුව යටතේ තිබූ තක්‌සේරු දෙපාර්තමේන්තුව මුදල් අමාත්‍යාංශය යටතට පත්කරන ලදී.

අබේගුණවර්ධන මහතා වර්ෂ 1971 දී ප්‍රධාන තක්සේර‍‍ැකාර ධූරයෙන් අස්වූ අතර වර්ෂ 1974 අගෝස්තු 01 වන දින කේ. එස්. පී. ඩී. ප්‍රනාන්දු මහතා ප්‍රධාන තක්‌සේරුකාර ධූරයට පත්වන තෙක් කෙටි කාලයක් තුළ මුදල් අමාත්‍යාංහයේ ජ්‍යෙෂ්ඨ සහකාර ලේකම් එල්. ඕ. ද සිල්වා මහතා ප්‍රධාන තක්‌සේරුකාර ධූරයේ වැඩ බලන ලදී.

වර්ෂ 1974 දී දෙපාර්තමේන්තුව තැනින් තැනට ස්වකීය කාර්යාලය වෙනස් කිරීම නවතා කොළඹ 10. මරදාන පාරේ අංක 748 දරන ස්ථානයේ තක්‌සේරු නිවස පිහිටුවන ලදී. ඉන්පසු මෙය තක්‌සේරු දෙපාර්තමේන්තුවේ මූලස්ථානය විය.

තක්‌සේරුකර‍ැවන්ගේ වෘත්තීය පාඨමාලාව වූ වතු කළමනාකරණය සහ තක්‌සේරුකරණය (Estate Management and Valuation) පිළිබඳ විද්‍යා උපාධිය වර්ෂ 1972 දී කොළඹ විශ්ව විද්‍යාලයේ ආරම්භ කරන ලදී. ඉන්පසු මේ පාඨමාලාව විද්‍යෝදය විශ්වවිද්‍යාලයේද (දැනට ශ්‍රී ජයවර්ධනපුර විශ්වවිද්‍යාලය) ආරම්භ කරන ලදී. මෙසේ තක්‌සේරු ක්‍ෂ්ත්‍රය වඩාත් වෘත්තීය මට්ටමකට උසස්වන ලදී.

අංක 23 දරණ තක්‌සේරුකර‍ැවන්ගේ ආයතනය පනත පාර්ලිමේන්තුවේදී වර්ෂ 1975 දී පිළිගත් අතර 1979 වර්ෂයේදී තක්‌සේරුකර‍ැවන්ගේ ආයතනය පිහිටුවන ලදී. තක්‌සේරුකර‍ැවන්ගේ ආයතනය පිහිටුවීමෙන් පසු, තක්‌සේරු ක්ෂේත්‍රයේ වෘත්තිකයන් වැදගත් ආයතනයක සාමාජිකයන් බවට පත්වූහ. වර්ෂ 85 ක් ඈතට විහිදුනු අතීතයක් ඇති අපේ පූර්වගාමීහු ඔවුන්ගේ හසල දැනුම සහ ප්‍රවීනත්වය මගින් තක්‌සේරුකරණය සහ වතු කළමනාකරණය පිළිබඳව සම්ප්‍රදායන් සහ උසස් තත්ත්වය පවත්වා ගනිමින් රාජ්‍ය අංශයේ උතුම් වෘත්තීය ආයතනයක් අපට හිමිකර දුන්හ. මහත් උත්සාහය, මනා හික්මීම සහ වෘත්තිමය කැපවීම මඟින් ගොඩනගා ගන්නා ලද ක්‍රම විද්‍යාව විසින් දියුණුවන තාක්ෂණය මඟින් පාලනය වන්නා වූ ලෝකයක වෘත්තීමය පරිපූර්ණත්වයට ළඟාවීම සඳහා උදාරවූත් උසස්භාවයේ හිණිපෙත්තට ළඟාවූත් වෘත්තීය තක්‌සේරුකර‍ැවන් වශයෙන් අප ක්‍රියාකළ යුත්තේ කෙසේද යන්න අපට පෙන්වා දෙනු ලැබේ.

යාපනය සහ කළුතර දිස්ත්‍රික් කාර්යාලයන් ද බදුල්ල සහ නුවර ප්‍රාදේශීය කාර්යාලය ද ආරම්භයේදී පිහිටුවීම මඟින් දෙපාර්තමේන්තුවේ කාර්ය විමධ්‍යගත කිරීම ආරම්භ වූ අතර පසුව මෙය මඩකලපුවේ දිස්ත්‍රික් කාර්යලයෙන්ද මාතර, කුර‍ැණෑගල සහ ගම්පහ ප්‍රාදේශීය කාර්යාලය ද පිහිටුවීම දක්වා පුළුල් කරන ලදී. නව ප්‍රගතිය වන්නේ 2006 වර්ෂයේදී රත්නපුර සහ අනුරාධපුරයේ ප්‍රාදේශීය කාර්යාල පිහිටුවීමයි..

බී. එල්. ආරියතිලක මහතා ප්‍රධාන තක්‌සේරුකර‍ැ ලෙස ක්‍රියාකල 1980-1991 වකවානුව තුළ දෙපාර්තමේන්තුවේ වැඩ පරිගණකගත කිරීම සඳහා ප්‍රගතිපාලන පද්ධතිය (Progress Control System) වේගවත් කිරීමේ අටියෙන් නව චක්‍රලේඛයක් හදුන්වාදීම සිදුකරන ලද අතර ශ්‍රී ලංකා තක්‌සේරු සේවය සඳහා සේවා සංග්‍රහයක් හදුන්වාදීම පිණිස කමිටුවක් ද පත්කරන ලදී..

වර්ෂ 1988 සිට ආරියතිලක මහතාගේ ධූරකාලයේදී ආණ්ඩුවට අයත් ව්‍යාපාර ව්‍යවසාය පුද්ගලීකරණය කිරීමේදී දෙපාර්තමේන්තු‍ව විසින් තක්‌සේරුකිරීමේ කටයුතුවල වැඩි කොටසකට උරදෙන ලදී..

වර්ෂ 1991 සිට 1996 දක්වා කාලපරිච්ඡේදය තුල එස්. එන්. විජේපාල මැතිතුමා ප්‍රධාන තක්‌සේරුකාර ධූරය දැර‍ැවේය. 1983 සිට නියෝජ්‍ය තක්‌සේරුකර‍ැ වශයෙන් කටයුතු කිරීමේදී ද විජේපාල මහතා දෙපාර්තමේන්තුවට කරන ලද සේවය අතිමහත්ය. ඔහු උනන්දුව දැක්වූ වැදගත්ම කාර්ය වූයේ තක්‌සේරුකර‍ැවන් උදෙසාම වෙන්වූ සේවයක් පිහිටුවීමත් ප්‍රගතිපාලන පද්ධතිය වෘත්තීය පරිපූර්ණත්වය ළඟාකර ගැනීමේ අටියෙන් වර්ධනය කිරීමත්ය.

වර්ෂ 1966 දී එච්. ආර්. ද සිල්වා මහතා තක්‌සේරුකර‍ැ වශයෙන් ධූරය භාරගත් අතර 2006 වර්ෂය දක්වා එකී ධූරය හෙබවූයේය. ශ්‍රී ලංකා තක්සෙර‍ැ සේවාවේ සේවා සංග්‍රහය 1988.01.01 දින සිට බලපැවැත්වේ.

ප්‍රධාන තක්‌සේරුකාර තනතුර අධ්‍යක්ෂ ජනරාල් පදවිය ලෙස වෙනස් කරන ලදී. මුළු වෘත්තීය කාර්ය මණ්ඩලය 261 සිට දැනට සිටින 311 දක්වා වැඩිකරන ලදී. දෙපාර්තමේන්තුවට බැඳීමට ඇති මූලික සුදුසුකම උපාධියක් දැරීම දක්වා ඉහළ නැංවූ අතර දැනට දෙපා‍ර්තමේන්තුවට බඳවා ගනු ලබන්නේ දේපළ කළමනාකරණය හා තක්‌සේරුකරණය විද්‍යා උපාධි (විශේෂ) දරන්නන් පමණි.

දෙපාර්තමේන්තුවේ දියුණුවත් සමඟ වෘත්තීය කාර්ය මණ්ඩලය 261 සිට දැනට සිටින 311 දක්වා වැඩිවිය. දෙපාර්තමේන්තුවට බඳවා ගැනීමේ මූලික සුදුසුකම උපාධිය දක්වා නැංවුනු අතර දැනට දෙපාර්තමේන්තුවට බඳවා ගනු ලබන්නේ දේපළ කළමනාකරණය හා තක්‌සේරුකරණය පිළිබද විශේෂ විද්‍යා උපාධිය පමණි.

වර්ෂ 2006 අප්‍රේල් මස 03 වන දින, දේපළ කළමනාකරණය සහ තක්‌සේරුකරණය පිළිබඳ ගෞරව විද්‍යා උපාධිධාරී සහ FRICS උපාධිධාරී පී. ඩබ්ලිව්. සේනාරත්න මහතා, ප්‍රධාන තකසේර‍ැකාර ධූරය ඉසිලු ප්‍රථම සුදුසුකම්ලත් ප්‍රධාන තක්‌සේරුකර‍ැ වශයෙන් එකී ධූරයට පත් විය. පරිගණක වටපිටාව තුළ දෙපාර්තමේන්තුවේ පරිපාලන සහ වෘත්තිමය ප්‍රගතිය සැලකිල්ලට ගනිමින් ඔහු විසින් Vision 2012 නාමයෙන් පුළුල් දැක්මක් (Vision) ප්‍රථම දූරදර්ශකයක් ස්ථාපිත කළ අතර එය දැනට ක්‍රියාවට නංවමින් පවතී.

ඉහලට ^

Site By